Պատժի հետաձգումն ունի իր իրավական հիմքը: Եթե Սաակաշվիլիի մոտ ախտորոշվի այնպիսի հիվանդություն, որը անհնարին է դարձնում պատիժը բանտում կրելը, դա կարող է հիմք հանդիսանալ պատիժը հետաձգելու համար»,- այս մասին հայտարարել է խորհրդարանի փոխխոսնակ Լևան Իոսելիանին։

Ինչպես Վրաստանի Առաջին ալիքին ասել է Իոսելիանին, «Ազգային շարժումը» փորձում է բոլոր հնարավոր հիմքերը գտնել իր առաջնորդին բանտից ազատելու համար։

«Որպես իրավաբան ձեզ կասեմ, որ պատժի հետաձգումն ունի իր իրավական հիմքը, ինչը նշանակում է, որ դատապարտյալի առողջական վիճակը պետք է լինի այնպիսին, որ մարդն ունենա այնպիսի հիվանդություն, որը անհնար է դարձնում պատիժ կրելը։ Ես չգիտեմ, թե արդյոք Միխեիլ Սաակաշվիլին այնպիսի հիվանդություն ունի, որ անհնար լինի պատիժը կրել բանտում։ Եթե ​​նրա մոտ ախտորոշվի այնպիսի հիվանդություն, որը նրան չեմ ցանկանում, դա կարող է հիմք հանդիսանալ պատիժը հետաձգելու համար։ Որպես քաղաքական գործիչ՝ կասեմ, որ «Ազգային շարժումը» փորձում է բոլոր հիմքերը գտնել իր առաջնորդին բանտից հանելու համար։ Սա զարմանալի չէ, բայց երկրորդ հարցն այն է, թե արդյոք օրենսդրությունը դա թույլ է տալիս, և արդյոք այս երկրի հանրության մեծամասնությունը կողմ է, որ Սաակաշվիլին պատասխանատվություն չկրի այն հանցագործությունների համար, որոնց համար նա դատապարտվել է», – ասել է Լևան Իոսելիանին:

Վրաստանի նախկին նախագահ Միխեիլ Սաակաշվիլիի անձնական բժիշկ Նիկոլոզ Ղիփշիձեն երեկ պաշտպանության նախարարության Գիորգի Աբրամիշվիլիի անվան զինվորական հոսպիտալում լրագրողներին ասել է. «Միխեիլ Սաակաշվիլին բանտարկյալ է, բայց հնարավոր է, որ կալանքը հետաձգվի, միգուցե մենք նրան ազատ արձակենք ու նորմալ բուժենք կլինիկայում։