«Ազգային շարժման» անդամ Դավիթ Կիրկիտաձեն կլինիկայում բժիշկների հսկողության տակ է։ Այս մասին հայտարարել է «Ազգային շարժման» անդամ Թեմուր Ջանաշիան։

Նրա խոսքով՝ իր առողջական վիճակի վատթարացման պատճառով Կիրկիտաձեի բժիշկները թույլ չեն տա նրան շարունակել հացադուլը։

«Դաթոյին երեկ են տեղափոխել։ Նա գտնվում է հիվանդանոցում, բժիշկների հսկողության տակ։ Նրա մոտ կարդիոգրամայում փոփոխություններ են եղել, ուստի հիվանդանոցից տեղափոխվել է սրտաբանական կլինիկա։ Նրան բուժում են, տեսնենք՝ ի վերջո ինչ արդյունք կստանանք»,- ասաց Ջանաշիան։

«Ազգային շարժման» անդամներ Անի Ծիթլիձեն և Թեմուր Ջանաշիան արդեն 9-րդ օրն է շարունակում են հացադուլը՝ Միխեիլ Սաակաշվիլիին բուժման համար արտերկիր տեղափոխելու պահանջով։ Ծիթլիձեի խոսքով՝ ինքը չի դադարեցնի բողոքի այս ծայրահեղ ձեւը, քանի դեռ պահանջը չի կատարվել։

«Ինձ ամենաշատն անհանգստացնում է ընկերներիս առողջական վիճակը։ Կիրկիտաձեի վիճակն այնքան ծանր է եղել, որ նույնիսկ երեկ բժիշկները խորհուրդ չեն տվել շարունակել հացադուլը։ Ցանկանում եմ ձեզ առողջություն մաղթել»,- ասել է Ծիթլիձեն։