Ազգային փոքրամասնությունների համայնքային կազմակերպությունները մեկ անգամ ևս դիմում են Վրաստանի ժողովրդական պաշտպանին հանրային հեռարձակողի հոգաբարձական խորհրդի անդամության թեկնածու ներկայացնի Իզաբելա Օսիպովային
Ազգային փոքրամասնությունների համայնքային կազմակերպությունները մեկ անգամ ևս դիմում են Վրաստանի ժողովրդական պաշտպան Նինո Լոմջարիային, ուշադրություն դարձնի ազգային փոքրամասնությունների բազմատարյա պահանջին և հանրային հեռարձակողի հոգաբարձական խորհրդի անդամության թեկնածու ներկայացնի Իզաբելա Օսիպովային:
Այս մասին ասված է կազմակերպությունների կողմից տարածված հայտարարության մեջ:
Բացի այդ, ինչպես ասված է հայտարարությունում, Իզաբելա Օսիպովան համապատասխանում է բոլոր չափանիշներին, նա լրագրող է, իրավապաշտպան, սերտ համագործակցում է ազգային փոքրամասնությունների կազմակերպությունների հետ, անձամբ ազգային փոքրամասնության ներկայացուցիչ է, միևնույն ժամանակ արդար, անկողմնակալ, օբյեկտիվ և անկախ թեկնածու է:
Հայտարարությունում ափսոսանքով նշված է, որ չնայած այդ չափանիշների բավարարմանը, ազգային փոքրամասնության կողմից անվանված թեկնածուն, չի ներկայացվել ոչ խորհրդարանային մեծամասնության, ոչ խորհրդարանային փոքրամասնության և ոչ էլ ժողովրդական պաշտպանի կողմից:
Հայտարարությունը ստորագրել է 43 մարդ:
Հանրային հեռարձակողի հոգաբարձական խորհրդի անդամության, ժողովրդական պաշտպանի կողմից ներկայացրած թեկնածու Զվիադ Դեվդարիանին հանել է իր թեկնածությունը:
Պատճառը «կանանց շարժման» կողմից տարածած հայտարարությունն էր , որտեղ Դեվդարիանին մեղադրվել էր սեռական ոտնձգությունների մեջ: