Ազգային բանկ. Մենք կտրականապես հերքում ենք, որ առևտրային բանկերում որևէ տեսակի սահմանափակումներ են դրված, օգտատերերը կարող են սովորականի պես տնօրինել ավանդները, փոխանցումները, կեղծ տեղեկատվությունը խուճապ է առաջացնում
Մենք կտրականապես հերքում ենք սոցցանցերում տարածված կեղծ տեղեկատվությունը, թե իբր առկա են սահմանափակումներ առևտրային բանկերում ավանդները արտարժույթով փոխարկելու կամ արտարժույթով միջոցներ արտասահման փոխանցելու հարցում,- ասված է Վրաստանի Ազգային բանկի տարածած հաղորդագրության մեջ։
Ազգային բանկը հորդորում է հանրությանը զերծ մնալ նման տեսակի ապատեղեկատվություն տարածելուց։
«Յուրաքանչյուր նման ապատեղեկատվության տարածումն անհիմն խուճապ է առաջացնում և վնասում է ֆինանսական հատվածին։ Միաժամանակ, բնակչությանը ևս մեկ անգամ բացատրում ենք, որ Ազգային բանկի կողմից վերջին տարիներին իրականացվող քաղաքականության և դրական մակրոտնտեսական միտումների լույսի ներքո բանկային ոլորտն այժմ կայուն է, ինչպես երբևէ։ Բանկերն ունեն բավականաչափ բուֆերներ՝ դիմակայելու նույնիսկ ամենաուժեղ ցնցմանը: Իրացվելի ակտիվների ծավալը գերազանցում է 18 մլրդ լարիին համարժեքը և հիմնականում ձևավորվում է արտարժույթով, ուստի ավանդային ծառայություններին բնականաբար վտանգ չի սպառնում։ Անհրաժեշտության դեպքում բանկերն ունեն լրացուցիչ վարկային գծեր և արտասահմանյան ֆինանսական հաստատություններից միջոցներ հայթայթելու հնարավորություն, ինչպես որ Ազգային բանկն ունի մի շարք գործիքներ՝ ոլորտին օգնելու համար, եթե մենք դրա կարիքը տեսնենք: Լարիի փոխարժեքի տատանումները լիովին պայմանավորված են ընթացիկ գործընթացներով։ Մյուս կողմից, ներհոսքերը կայուն են, և կայուն հիմունքներն ապահովում են կայունության պահպանումը արտարժույթի շուկայում: Ուստի բանկային ծառայությունների մատուցումը որեւէ կերպ սահմանափակելու մասին խոսակցությունը չի համապատասխանում իրականությանը։ Օգտատերերը կարող են կառավարել իրենց ավանդները, կատարել փոխակերպման կամ փոխանցման գործողություններ, ինչպես միշտ: Նման կոչերն անհիմն են և նպաստում են անհիմն աժիոտաժին»,- ասված է Ազգային բանկի հաղորդագրությունում։
