Չորեքշաբթի օրը Սպիտակ տանը կայացած հանդիպման ժամանակ ԱՄՆ նախագահ Դոնալդ Թրամփը և Իսրայելի վարչապետ Բենիամին Նեթանյահուն համաձայնության եկան, որ ԱՄՆ-ն կաշխատի կրճատել իրանական նավթի արտահանումը Չինաստան: Այս մասին հայտնել է Axios-ը՝ հղում անելով երկու բարձրաստիճան ամերիկացի պաշտոնյաների, որոնք ծանոթ են հարցին:

«Մենք համաձայնեցինք, որ ամբողջ ուժով կկիրառենք առավելագույն ճնշում Իրանի վրա, օրինակ՝ Չինաստանին իրանական նավթի վաճառքի հարցում», – գրել է Axios-ը՝ հղում անելով ԱՄՆ բարձրաստիճան պաշտոնյայի:

Հրապարակման համաձայն՝ Չինաստանը գնում է իրանական նավթի ավելի քան 80%-ը, և այս առևտրի կրճատումը կնշանակի նավթային եկամուտների զգալի կրճատում Իրանի համար:

ԱՄՆ և իրանցի դիվանագետները անցյալ շաբաթ բանակցություններ են վարել օմանցի միջնորդների միջոցով, այն բանից հետո, երբ ԱՄՆ նախագահը տարածաշրջանում ռազմածովային նավատորմ տեղակայեց: