Ախալքալաքիի ավագանու «Ազգային շարժում» խմբակցության անդամները կուսակցության նախագահ Լեւան Խաբեիշվիլիին կոչ են անում հրաժարական տալ
Ախալքալաքիի ավագանու «Ազգային շարժում» խմբակցության անդամները կուսակցության նախագահ Լեւան Խաբեիշվիլիին կոչ են անում հրաժարական տալ։
Ինչպես նշվում է խմբակցության անդամների հայտարարության մեջ, նոր ղեկավարության և անձամբ Խաբեիշվիլիի սխալ մոտեցումները հանգեցրել են կուսակցության աննախադեպ թուլացմանն ու հավատարիմ համակիրներին շարժումից դուրս մղելուն։
«Մենք՝ «Միացյալ ազգային շարժման» ցուցակում հայտնված Ախալքալաքիի քաղաքապետարանի ավագանու անդամներս և կազմակերպության ներկայացուցիչներս, կուսակցության նոր ղեկավարության հետ բախվեցինք անհաղթահարելի խնդիրների, որոնք կապված են քաղխորհուրդը ցրելու ապօրինի որոշման եւ շրջանային կազմակերպություններում ֆիկտիվ ընտրությունների անցկացման հետ։
Նոր ղեկավարության և անձամբ Խաբեիշվիլիի սխալ մոտեցումները հանգեցրին կուսակցության աննախադեպ թուլացմանը և մեր շարժումից հավատարիմ համակիրների դուրս մղմանը։
Թվարկված պատճառներով պահանջում ենք կուսակցության նախագահի հրաժարականը, որպեսզի հնարավոր դառնա միասնականության և կուսակցության պայքարող անդամների վերաինտեգրման մասին քննարկումը»,- ասված է հայտարարության մեջ։
Հայտարարությունը ստորագրել են «Միացյալ ազգային շարժման» ութ անդամներ՝ Շիրվան Շիրինյանը, Արմեն Հունանյանը, Մելիք Ռայիսյանը, Անդրանիկ Մամուլյանը, Վարդան Չոքանդարյանը, Արթուր Մկոյանը, Արմեն Հակոբյանը, Միշա Հակոբյանը։