Ավստրիայում ապաստան փնտրողը պետք է վճարի 840 եվրո և հանձնի բջջային հեռախոսը
21:52, 19.04.2018
Ավստրիայի կառավարությունը մշակել է ապաստան շնորհելու նոր կանոններ, որոնց համաձայն, ապաստան փնտրողը պետք է վճարի 840 եվրո և հանձնի բջջային հեռախոսը: Տեղեկությունն այս մասին տարածել է Zeit գերմանալեզու հրատարակությունը:
Նշված գումարով վճարվելու են ապաստան ստանալու դիմումի քննարկման հետ կապված ծախսերը, իսկ միգրանտի հեռախոսներում ստուգվելու են տվյալները:
Օրինագծի համաձայն, քրեական հանցանքի համար հետախուզման մեջ գտնվող միգրանտներին անհապաղ կարտաքսեն: Բացի այդ, եթե ապաստան փնտրողները ժամանակավոր վերադառնան հայրենիք, նրանք կկորցնեն Ավստրիայում բնակվելու իրավունքը:
Ավստրիայի կողմից մշակված միջոցների համաձայն, փախստականները Ավստրիայի քաղաքացիություն 6 տարվա փոխարեն կկարողանան պահանջել 10 տարի հետո:
