Վլադիվոստոկում ավարտվել է Կիմ Չեն Ինի և Վլադիմիր Պուտինի գագաթնաժողովը: Ռուսական մամուլի տեղեկությամբ, Ռուսաստանի նախագահը և Հյուսիսային Կորեայի առաջնորդի հանդիպումը տևել է մոտ 4 ժամ: Այստեղից գրեթե երկու ժամը նրանք ունեցել են դեմ առ դեմ հանդիպում:
Ինչպես հայտնի է, գագաթնաժողովը կայացել է Ռուսկի կղզու վրա:
Երկու երկրների ղեկավարների հանդիպման գլխավոր թեմաներից մեկը Կորեայի թերակղզու միջուկային զինաթափումն է: Պուտինը ողջունել է Հյուսիսային Կորեայի կողմից Հարավային Կորեայի և ԱՄՆ-ի հետ հարաբերությունների կարգավորման ջանքերին:
Հատկանշական է, որ սա Վլադիմիր Պուտինի և Կիմ Չեն Ինի առաջին հանդիպումն է: