Australian Open. Ֆեդերերի հաղթանակն ու կիսաեզրափակիչի բոլոր զույգերը
Australian Open. Ֆեդերերի հաղթանակն ու կիսաեզրափակիչի բոլոր զույգերը

Աշխարհի երկրորդ ռակետ Ռոջեր Ֆեդերերը դարձավ Մելբուրնում ընթացող թենիսի Ավստրալիայի բաց առաջնության կիսաեզրափակիչի վերջին մասնակիցը:

Քառորդ եզրափակիչում շվեյցարացի 36-ամյա թենիսիստը 3 սեթում հաղթեց չեխ Տոմաշ Բերդիխին՝ 7:6, 6:3, 6:4: Մրցախաղը տևեց 2 ժամ 18 րոպե:

Եզրափակիչի ուղեգիրը Ֆեդերերը կվիճարկի նախորդ փուլում սերբ Նովակ Ջոկովիչին պայքարից դուրս թողած 21-ամյա հարավկորեացի Չհուն Հյոնի հետ, որն ուժեղ գտնվեց ամերիկացի Տենիս Սանդգրենից՝ 6:4, 7:6, 6:3:

Նախօրեին կիսաեզրափակիչի մյուս զույգը կազմել էին խորվաթ Մարին Չիլիչն ու բրիտանացի Կայլ Էդմունդը:

Կանանց մրցաշարում կիսաեզրափակիչի երկրորդ զույգը կազմեցին աշխարհի առաջին ռակետ Սիմոնա Հալեպը և գերմանացի Անժելիկա Կերբերը: Եզրափակիչի մյուս ուղեգրի համար կպայքարեն դանիացի Կարոլին Վոզնյացկին ու բելգիացի Էլիզե Մերտենսը:

Հիշեցնենք, որ Australian Open-ի տղամարդկանց մենախաղի հաղթողի տիտղոսը պաշտպանում է  Ռոջեր Ֆեդերերը, իսկ կանանց մրցաշարի գործող հաղթող Սերենա ՈՒիլյամսը հանդես չի գալիս այս տարի:

Թողնել մեկնաբանություն