Ատոմային էներգիայի գործակալության հաղորդմամբ, Զապորոժյեի էլեկտրակայանը կրկին անջատվել է ցանցից
Զապորոժյեի ատոմակայանի կապը հիմնական էլեկտրացանցին կրկին անջատվել է։ Այս մասին տեղեկություն է տարածում Ատոմային էներգիայի միջազգային գործակալությունը։
«Զապորոժյեի ատոմակայանը կրկին կորցրել է կապը մնացած արտաքին հիմնական էլեկտրահաղորդման գծի հետ, սակայն կայանը շարունակում է էլեկտրաէներգիա մատակարարել պահեստային գծի միջոցով»,- ասվում է հաղորդագրության մեջ։
Ավելի վաղ հաղորդվել էր, որ կայանի երկու գործառնական բլոկներից մեկն այսօր փակվել է ցանցի սահմանափակման պատճառով։
«Մեկ ռեակտորը դեռ աշխատում է և արտադրում է էլեկտրաէներգիա ինչպես հովացման, այնպես էլ հիմնական անվտանգության գործառույթների համար տեղում և ցանցում», – ասվում է գործակալության հաղորդագրության մեջ:
Զապորոժյեի ատոմակայանը ռուսների կողմից գրավվել էր մարտի սկզբին։ Վերջին մի քանի շաբաթվա ընթացքում կայանի շրջակայքում ռմբակոծությունների աճ է գրանցվել, ինչի համար երկու կողմերն էլ մեղադրում են միմյանց: Սեպտեմբերի 1-ին կայան է ժամանել ՄԱԿ-ի Ատոմային էներգիայի միջազգային գործակալության առաքելությունը՝ դիտարկման համար։