Աշխատավարձի բարձրացման պահանջով Լեհաստանում մանկավարժները հայտարարել են գործադուլ
13:16, 08.04.2019
Լեհաստանում մանկավարժները հայտարարել են գործադուլ: Այսօրվանից երկրի մասշտաբով չի աշխատելու հազարից ավել դպրոց: Մանկավարժները պահանջում են 30 տոկոսով ավելացնել աշխատավարձը:
Լեհաստանում ուսուցիչների աշխատավարձը 929 եվրո է, որը Լեհաստանում միջին աշխատավարձից ցածր է:
Ինչպես գրում է լեհական մամուլը, գործադուլի պատճառով հնարավոր է տապալվեն դպրոցական քննությունները:
Հատկանշական է, որ Լեհաստանի իշխող կուսակցությունը ընտրողներին խոստացել է ընդլայնել սոցիալական ծրագիրը, սակայն դա մանկավարժներին չի վերաբերել, որն առաջացրել է ուսուցիչների արհմիությունների դժգոհությունը:
