«Համոզված եմ, որ «Վրացական երազանք»-ի թեկնածու Զամուր Չիթանավան իրականում կհոգա Բոլնիսի զարգացման և բնակչության շահերի պաշտպանության մասին, ուստի այլևս մտադիր չեմ պարոն Զամուրի հետ ձայները կիսել, որոշել եմ հանել իմ թեկնածությունը՝ ի նպաստ նրա» — այս մասին գրում է Ասեֆ Չիրագովը սոցիալական ցանցում։

Նրա խոսքով, «Լելո» կուսակցության կողմից որպես Բոլնիսի քաղաքապետի թեկնածու առաջադրվելուց հետո, նա շատ արագ համոզվել է, որ որոշ մարդիկ փորձում են իր ռեսուրսներն օգտագործել իրենց քաղաքական շահերի սպասարկման համար։

«Հասարակությունը, հատկապես՝ Բոլնիսի բնակչությունը, լավ գիտի, որ քաղաքական «Լելո» կուսակցությունը ինձ առաջադրել էր որպես քաղաքապետի թեկնածու։ Այդ առաջարկն ընդունել էի միայն այն պատճառով, որ իսկապես ցանկություն ունեմ իմ կարողություններն ուղղել հայրենիքի բարօրությանը։

Ցավոք, շատ շուտով համոզվեցի, որ որոշ մարդիկ փորձում են իմ ռեսուրսներն ու անկեղծ ցանկությունը գործի դնել իրենց քաղաքական շահերի համար՝ որպես գործիք։ Մյուս կողմից, համոզվեցի, որ «Վրացական երազանք»-ի թեկնածուն՝ պարոն Զամուր Չիթանավան, հաղթանակից հետո իրոք կհոգա Բոլնիսի զարգացումը և մունիցիպալիտետի բնակչության շահերի պաշտպանությունը։

Ահա թե ինչու ես այլևս չեմ պատրաստվում ձայները կիսել պարոն Զամուրի հետ և որոշել եմ հանել իմ թեկնածությունը՝ ի նպաստ նրա։

Այսօր իսկապես վեճերի և անիմաստ քաղաքական հակասությունների ժամանակը չէ։ Ամենակարևորը հիմա խաղաղությունն ու կայունությունը պահպանելն է, ինչը զարգացման տանող միակ ուղին է», — գրել է Ասեֆ Չիրագովը։