Արտասահմանյան լրատվամիջոցներ – Եվրամիության անդամ պետությունները համաձայնության են եկել ստեղծել 150 միլիարդ եվրոյի նոր պաշտպանական հիմնադրամ, որի նպատակն է ամրապնդել եվրոպական պաշտպանությունը
Եվրամիության անդամ պետությունները համաձայնության են եկել ստեղծել 150 միլիարդ եվրոյի նոր պաշտպանական հիմնադրամ, որը նպատակաուղղված կլինի եվրոպական պաշտպանության ամրապնդմանը։ Այս տեղեկատվությունը հրապարակել են Reuters-ը և Financial Times-ը։
Եվրոպացի դիվանագետը «Ռոյթերս»-ին ասել է, որ Եվրահանձնաժողովի կողմից մարտին առաջարկված հիմնադրամը կֆինանսավորվի համատեղ վարկերից և միջոցներ կտրամադրի միայն Եվրամիության անդամներին և որոշ այլ երկրներին, այդ թվում՝ Ուկրաինային։ Հիմնադրամից հատկացված միջոցները կծախսվեն պետությունների պաշտպանական կարողությունների ամրապնդման և եվրոպական ռազմական արդյունաբերության զարգացման վրա։
Բրյուսելից զենքի համակարգերի գնման համար ստացված վարկերի փոխանցումը հնարավոր կլինի համատեղ գնումների միջոցով, որի նպատակն է վերազինել Եվրոպան։
Ինչպես գրում է Financial Times-ը, մի քանի ամիս տևած բանակցություններից հետո, մայիսի 19-ին ձեռք է բերվել հիմնադրամի ստեղծման վերաբերյալ քաղաքական համաձայնություն: Պաշտոնական որոշումը կհրապարակվի մայիսի 21-ին: