«Արտաքսվածների» գործով որոշումը Ռուսաստանի համար աննախադեպ պարտություն էր Վրաստանի առջև. Թեա Ծուլուկիանի
«Արտաքսվածների» գործով որոշումը Ռուսաստանի համար աննախադեպ պարտություն էր Վրաստանի առջև. Թեա Ծուլուկիանի

«Արտաքսվածների» գործով որոշումը Ռուսաստանի համար աննախադեպ պարտություն էր Վրաստանի առջև,- այս մասին հայտարարել է արդարադատության նախարար Թեա Ծուլուկիանին՝ խորհրդարանի լիագումար նիստին, որտեղ պատգամավորներին է ծանոթացրել իր գերատեսչության գործունեության արդյունքների հետ:

Նախարարը օրենսդրական մարմնում խոսել է Վրաստան-Ռուսաստան միջպետական վեճերի մասին, այդ թվում՝ «արտաքսվածների» գործով:

«Ինչ վերաբերում է միջազգային վեճերին, ինչպես գիտեք, հունվարի 31-ին, Ստրասբուրգի դատարանը հայտարարել է որոշում, որի միջոցով Վրաստանը հաղթել է Ռուսաստանին՝ արտաքսվածների վեճում փոխհատուցման մասում: Ռուսաստանի համար սա աննախադեպ պարտություն էր, քանի որ Ռուսաստանը մինչ այժմ որևէ միջպետական վեճում չի պարտվել»,- հայտարարել է Թեա Ծուլուկիանին:

Ինչպես նշել է նախարարը, այս գործով իր գերատեսչությունը մեծ աշխատանք է տարել 2012 թվականից:

Նրա գնահատմամբ, կեղծ են հայտարարությունները, որոնց համաձայն, նշված գործը մինչ այդ հաղթած էր:

«Ես պատասխաններ չունեմ և, համապատասխանաբար, չգիտեմ, այսօր որքանով կլսեմ այդ պատասխանները, սակայն, ցանկանում եմ տալ հարց, որը ունեմ. Երբ նախկին իշխանությունը այս վեճն սկսեց 4 634 քաղաքացու անունից, ինչու՞ 4 634 անձի անունից մտցված հայցին կցեց միայն 118 անձի ցուցակ, որից հետո Ստրասբուրգի դատարանը արդեն մեր իշխանության օրոք դիտողություն արեց արդարադատության նախարարությանը: Արդեն մենք էինք պարտավոր, մեր իշխանության օրոք, լրացնել այս 118 հոգուց բաղկացած ցուցակը»,- հայտարարել է Թեա Ծուլուկիանին:

Նրա խոսքով, գերատեսչությունը փաստացի զրոյից սկսեց կազմել այս ցուցակը, որը, նախարարի գնահատմամբ, ամոթալի է:

«Մեզ հաջողվեց, 10 տարի անց հեռախոսով, էլ.փոստի և այլ միջոցներով գտնել 1 795 քաղաքացու և ուղարկել հենց նրանց տվյալները»,- հայտարարել է արդարադատության նախարարը:

Ծուլուկիանիի խոսքով, նախարարների կոմիտեի շրջանակներում արդեն սկսված է աշխատանքը նշված գործի կատարման առնչությամբ, սակայն, նրա մեկնաբանմամբ, Ռուսաստանը դեռևս ունի ժամանակ: Գումարը փոխանցելու համար Ռուսաստանին տրվել է 3 ամիս ժամկետ: