Առողջապահության համաշխարհային կազմակերպություն. Կոնգոյի Դեմոկրատական Հանրապետությունում վերջերս տեղի ունեցած Էբոլայի բռնկումը երկրի պատմության մեջ ամենամեծն է
Առողջապահության համաշխարհային կազմակերպությունը նշում է, որ Կոնգոյի Դեմոկրատական Հանրապետությունում վերջերս տեղի ունեցած Էբոլայի բռնկումը երկրի պատմության մեջ ամենամեծն է։ Հաղորդում է BBC-ն։
Հուլիսի 30-ի դրությամբ երկրում գրանցվել է Էբոլայի 3605 հաստատված դեպք, այդ թվում՝ 1587 մահ։
Ընթացիկ բռնկումը պայմանավորված է Էբոլայի Բունդիբուգյո շտամով։ Բռնկումը հայտարարվել է 2026 թվականի մայիսի 15-ին և արդեն գերազանցել է 2018-2020 թվականների համաճարակը, որը մինչ այդ երկրի պատմության մեջ ամենամեծն էր։ Այդ ժամանակ գրանցվել էր գրեթե 3500 դեպք, որից գրեթե 2300 մարդ մահացել է։
Ներկայումս Բունդիբուգյո շտամի համար հաստատված պատվաստանյութ կամ բուժում չկա, չնայած Մեծ Բրիտանիայում և Սինգապուրում պատվաստանյութերի վրա աշխատանքներ են տարվում։
BBC-ի տվյալներով՝ Էբոլա վիրուսը, որը տարածվում է մարմնական հեղուկների հետ շփման միջոցով, վերջին 50 տարիների ընթացքում Աֆրիկայում սպանել է 15000 մարդու։
Առողջապահության համաշխարհային կազմակերպությունը սոցիալական ցանցերում տարածած հայտարարության մեջ նշել է, որ բռնկումը «սրանում է, փոխանցումը շարունակվում է աննկատ, իսկ հաստատված դեպքերի և մահերի թիվը շարունակում է աճել»