Արևմտյան Կանադայում արտակարգ դրություն է հայտարարվել անտառային հրդեհների պատճառով
Արագ տարածվող անտառային հրդեհների պատճառով արևմտյան Կանադայում արտակարգ դրություն է հայտարարվել։ Այս մասին հաղորդում է Բի Բի Սի-ն։
Կանադայի Բրիտանական Կոլումբիա նահանգում ավելի քան 20,000 մարդ ստիպված է եղել լքել իրենց տները։ Օգոստոսի 7-ին բռնկված հրդեհն այժմ տարածվել է մոտ 136 քառակուսի կիլոմետր տարածքի վրա։
Ոստիկանությունը հայտնել է, որ հրդեհի հետևանքով մահացել է երկու մարդ, այդ թվում՝ 80-ամյա մի կին, որը փորձում էր փախչել Սեմիրլենդի հյուսիս-արևմուտքում գտնվող իր տնից ընտանիքի անդամի հետ։ Ոստիկանությունը կարծում է, որ նրա մահը կապված է հրդեհի հետ։ Հրդեհի հետևանքով ավերված շենքերի ճշգրիտ թիվը դեռևս հայտնի չէ։
Օկանագան շրջանի բնակիչները նույնպես դժվարանում են տարհանել ձիերին և այլ անասուններին։ Որոշ բնակիչներ դարպասները բաց են թողել կենդանիների համար՝ հույս ունենալով, որ նրանք ինքնուրույն անվտանգություն կգտնեն։ Պաշտոնյաները նշում են, որ կրակի ուժգնությունն այնքան բարձր է, որ ստեղծում է սեփական եղանակը, այդ թվում՝ կայծակը։