Արդարադատության նախարարությունը տարածում է հայտարարություն և նշում, որ իրենց սոցիալական ծրագրերի դեմ բարձրացվել է բացասական արշավ:

«Արդարադատության նախարարությունը տարածում է հայտարարություն սոցիալական ծրագերից մեկի հանդեպ բարձրացված բացասական արշավի կապակցությամբ:

Ինչպես հայտնի է, արդարադատության տունը «Գեֆա»-ի հետ 2016 թվականից սոցիալական անապահով ընտանիքների համար իրականացնում է «Բարի գալուստ» նախագիծը: Նախագծի շրջանակներում սոցիալապես անապահով ծնողներին, ովքեր իրենց երեխայի ծննդի գրանցման համար դիմում են արդարադատության նախարարությանը, կտրվում են նվերներ և դրամական կտրոն:

Արդարադատության տունը ցավում է, որ եթե որևէ մեկի համար երեխայի ծնունդը այս ձևով շնորհավորելը, դարձել է ծիծաղելի:

Այս գործընթացն առավել ցավալի և ամոթալի է, երբ խոսքը վերաբերում է սոցիալապես անապահով նորածիններին, որոնց համար արդարադատության տունը, «Գեֆայի» հետ միասին, արդեն չորրորդ տարին անընդմեջ նվերներ է փոխանցում: Մինչ օրս 15 000 մարդ արդեն օգտվել է ընթացիկ նախագծից: Իսկ երեկ արդարադատության տունը նորացրել է հուշագիրը «Գեֆաի» հետ, և նախագիծը, որը 2016 թվականից մինչ օրս նախատեսված էր միայն սոցիալապես անապահով ընտանիքների համար, դարձավ համընդհանուր:

Տեղեկատվությունը տարբեր մեկնաբանություններով տարածվեց սոցիալական ցանցում և հեռուստաընկերություններից մեկի ղեկավարը և այլ շահագրգիռ անձինք ​​փորձել են վարկաբեկել նախագիծը, որով 2016 թվականից ի վեր արդեն օգտվել է 15 000 մարդ:

Արդարադատության տունը մեկ անգամ ևս պարզաբանում է, որ 25 լարիանոց կտրոնը, նվերների փաթեթի հետ միասին բաղադրիչներից մեկն է և այն ոչ թե օգնություն է, այլ նվեր մասնավոր հատվածի և արդարադատության տան կողմից ծնողներին և երեխաներին, ովքեր գալիս են արդարադատության տուն ծննդյան վկայական ստանալու համար:

Տեղեկատվության համար ՝ «Բարի գալուստ» նախագիծը նորածինների համար առաջարկում է երկու տարբեր փաթեթներ.

• Սոցիալապես անապահով ընտանիքներում ծնված նորածինների ծնողները, բացի իրենց երեխայի ծննդյան վկայականից և հիգիենայի պարագաներից, կստանան 25 լարիանոց վաուչեր, երեխաների խնամքի և սննդի համար: Մանկական տակդիրների, սննդի և խնամքի ապրանքանիշերի վրա մեկ տարվա ընթացքում կօգտվեն 30-40 տոկոս զեղջից: Միևնույն ժամանակ, շահառուները տարբեր արտադրողներից ապրանքներ գնելիս կկարողանան օգտվել միանվագ 50 տոկոս զեղջի քարտից:
• Սոցիալապես անապահով ընտանիքներից բացի, նվերների հավաքածուն կտրվի բոլոր ծնողներին, ովքեր գալիս են արդարադատության տուն, համայնքային կենտրոն կամ հանրային ծառայության զարգացման գործակալության տարածքային գրասենյակ, ովքեր առաջին անգամ են ստանում երեխայի ծննդյան վկայական: Նրանց կտրվի 25 լարի կտրոն ՝ երեխաների խնամքի և սննդի ապրանքների համար: Բացի այդ, մանկական տակդիրների, սննդի և խնամքի հատուկ ապրանքանիշերը ձեռք կբերվեն 10-20-40% զեղջով: Ծրագրի շահառուները կկարողանան վաուչերներն օգտագործել «Գեֆա» դեղատների ցանցերում `«Ֆարմադեպոյի» և «ՊՍՊ»-ի մասնաճյուղերում, որոնք գործում են Վրաստանի բոլոր շրջաններում:

Երեկ տարածվեց տեղեկություն, որ նորածինների ծնողները, որոնք արդարադատության նախարարությանը կդիմեն երեխաների ծննդի գրանցման համար, կստանան հատուկ նվերի կտրոններ: