Վրաստանի նախագահը ամենակարևոր պահին ներքաշվեց քաղաքական երկխոսության մեջ, նա ճիշտ քայլեր ձեռնարկեց երկխոսության և համաձայնության հասնելու համար մեր գործընկերների մասնակցությամբ, – ասաց Վրաստանի խորհրդարանի խոսնակ Արչիլ Թալակվաձեն:

Նրա խոսքով, Վրաստանի նախագահը դրական դեր է խաղացել բանակցային գործընթացում:

«Ես կցանկանայի փաստել, որ Վրաստանի նախագահ Սալոմե Զուրաբիշվիլին ամենակարևոր պահին միացավ քաղաքական երկխոսությանը: Կարծում եմ, որ նա ճիշտ քայլեր է ձեռնարկել մեր գործընկերների հետ երկխոսություն և համաձայնություն կառուցելու ուղղությամբ: Հետևաբար, մեր՝ որպես ինստիտուտների միջև, միշտ եղել է պատշաճ հաղորդակցություն, և կարծում եմ, որ այն դրական դեր է խաղացել այս գործընթացում: Իհարկե, ես նախապես չեմ մեկնաբանի, թե ինչ որոշում կկայացնի նախագահը, քանի որ նա պարտավոր չէ համաձայնեցնել նման որոշումները խորհրդարանի հետ: Եկեք միասին սպասենք, կտեսնենք, թե նա ինչ տեղեկատվությամբ կկիսվի հասարակության հետ», – ասաց Արչիլ Թալակվաձեն:

Վրաստանի նախագահի մամուլի ծառայության փոխանցմամբ, Սալոմե Զուրաբիշվիլին այսօր հանդես կգա հատուկ հայտարարությամբ: Նախագահի հատուկ հայտարարությունը նախատեսված է ժամը 16:00-ին: