Մեր կողմից արվել են պարզաբանումներ, որ մենք կատարել ենք բոլոր պարտավորությունները, մնացել են որոշ պարտավորություններ և, իհարկե, դրանք կկատարենք, – այս մասին լրագրողներին ասել է Վրաստանի վարչապետ Իրակլի Ղարիբաշվիլին, պատասխանելով այն հարցին, թե որն է Եվրամիության և Վրաստանի միջև համաձայնությունը, ինչ է պահանջել Եվրամիությունը և ինչ չի կատարել Վրաստանը:

Նրա խոսքով ՝ բոլոր պարտավորությունները կկատարվեն առանց որևէ պայմանավորվածության:

«Կարծիքների տարբերություն ու անհամաձայնություն կար դիրքորոշումների մեջ: Մասնավորապես, այդ յոթ կետերից վեցն արդեն կատարվել են, մեկը`շատ շուտով: Այն, ինչ մենք ասել ենք, այն է, ինչ մենք անում ենք, մնացածը պարզապես քաղաքական շահարկումներ են:

Հետևաբար, մենք պատրաստ ենք հնարավորինս թափանցիկ շարունակել բարեփոխումները, և ըստ էության, բոլոր պարտավորությունները, բնականաբար, կկատարվեն, ինչի մասին մենք հայտարարել ենք, առանց որևէ պայմանավորվածության»,- ասել է Իրակլի Ղարիբաշվիլին: