Անրի Օխանաշվիլին պահանջում է հրապարակել երեկվա միջադեպի կադրերը և Վատո Ծերեթելիին կոչ է անում փորձաքննություն անցնել, թե նա ինչ վիճակում է ներկայացել դեսպանատան միջոցառմանը
«Վրացական երազանք»-ի անդամ Անրի Օխանաշվիլին պահանջում է հրապարակել երեկվա միջադեպի կադրերը և կոչ է անում Վատո Ծերեթելիին անցնել փորձաքննություն, թե ինչ վիճակով է ինքը ներկայացել դեսպանատան միջոցառմանը։
Ինչպես ասել է Անրի Օխանաշվիլին, «դա կեղտոտ սադրանք էր»։
«Այստեղ խոսքը ինչ-որ քննադատական վերաբերմունքի, անձնական խոսքի մասին չէ, սա բացարձակապես մտածված, ծրագրված կեղտոտ պահվածք էր։ Ես չեմ պատկերացնում որևէ մարդու, որևէ վրացու, ով չկարողանա արձագանքել այս պահվածքին։
Ուստի ես անմիջապես տեղեկացրի իմ ամերիկացի ընկերներին: Ես պատրաստ եմ և իմ ցանկությունն է, որ բացարձակապես ամեն ինչ, բոլորի շարժումը, այնտեղ գտնվելու ժամանակահատվածը հրապարակվի։ Թող բոլորը տեսնեն՝ ինչ արեց, ինչպես եկավ, ինչպես ինձ մի կողմ կանչեց ու ասի այս ամենը։ Մնում է պարզել, թե այս անձը ինչ վիճակում է եղել։ Կոչ եմ անում Վատո Ծերեթելիին անցնել փորձաքննություն, թե ինչ վիճակով է ինքը ներկայացել դեսպանատան միջոցառմանը։ Ես շատ լավ գիտեմ հանդուրժողականության պարտավորությունը, և եղել են հրահրված դեպքեր, բայց սա անցել է բոլոր սահմանները։ Ուստի ես պատրաստ եմ, որ ամեն ինչ հրապարակայնացվի: Ես հանդիպում կունենամ մեր ռազմավարական գործընկերների հետ և իմ ցանկությունը կհայտնեմ ամեն ինչ հրապարակայնացնել»,- ասել է Անրի Օխանաշվիլին։