Ռուսաստանը կմնա գործընկեր, սակայն հարաբերությունները չպետք է հիմնված լինեն միակողմանի մոտեցման վրա, Հունգարիայի խորհրդարանի արտաքին քաղաքականության հանձնաժողովի լսումների ժամանակ ասել է Հունգարիայի արտաքին գործերի նախարարի թեկնածու Անիտա Օրբանը։

Անիտա Օրբանի խոսքով՝ ներկայիս աշխարհաքաղաքական իրավիճակում պարզ է, որ Ռուսաստանի քաղաքականությունը անվտանգության մարտահրավեր է ներկայացնում Հունգարիայի և Եվրոպայի համար։

Հունգարիայի արտաքին գործերի նախարարի թեկնածուն հանձնաժողովին ասել է, որ Հունգարիան ցանկանում է հավասար և թափանցիկ հարաբերություններ ունենալ Ռուսաստանի հետ։

«Ռուսաստանի դեմ պատժամիջոցների ընդլայնման հետ կապված, իհարկե, սպասվում է նոր պատժամիջոցների փաթեթ։ Մեր ուղեցույցը կլինի կրկնակի։ Առաջինը՝ մենք թույլ չենք տա պատժամիջոցների փաթեթում այնպիսի կետ, որը վնասում է Հունգարիայի շահերին, ինչպիսիք են հունգարական ընկերությունները կամ էներգետիկ ընկերությունները։ Այնուամենայնիվ, մենք չենք օգտագործի վետոն երրորդ երկրի շահերի համար», – նշել է Անիտա Օրբանը։