Ուկրաինայի արտաքին գործերի նախարար Անդրեյ Սիբիգան սոցիալական ցանցերում պատասխանել է իր հունգարացի գործընկեր Պետեր Սիյարտոյին։

«Մենք սկսում ենք շատ բան տեսնել, Պետեր, այդ թվում՝ քո կառավարության երեսպաշտությունն ու բարոյական դեգրադացիան, նրա բացահայտ և թաքնված աշխատանքը Ուկրաինայի և մնացած Եվրոպայի դեմ, նրա ծառայությունը որպես Կրեմլի լաքեյ։ Մեր նախագահի վրա քո հարձակումների քանակը չի փոխի այն, ինչ մենք և բոլորը տեսնում ենք», – գրել է Սիյարտոն։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ուկրաինայի օդային տարածքը, իբր, խախտվել է հունգարական հետախուզական անօդաչու թռչող սարքերի կողմից։ Ուկրաինայի նախագահի հայտարարությանը արձագանքել է Հունգարիայի արտաքին գործերի նախարար Պետեր Սիյարտոն, որը սոցիալական ցանցերում գրել է. «Զելենսկին խելագարվում է իր հակահունգարական մոլուցքով, հիմա նա սկսում է տեսնել այն, ինչ չկա»։