Անցած տարի տեխնիկական վերահսկման խումբը ստուգել է նշված թունելը, սակայն դա կապ չունի, երբ մահանում են մարդիկ. Դմիտրի Քումսիշվիլի
Վրաստանի առաջին փոխվարչապետ, էկոնոմիկայի և կայուն զարգացման նախարար, Դմիտրի Քումսիշվիլին տեսակցել է Տղիբուլիում, Մինդելիի անվան հանքահորում դժբախտ պատահարի արդյունքում տուժած հանքափորներին:
Նախարարի խոսքերով, Քութաիսիի հիվանդանոցում գտնվող հանքափորների առողջական վիճակը կայուն է:
Դմիտրի Քումսիշվիլին հանդիպել է նաև տուժածների ընտանիքի անդամներին:
«Մենք հանդիպել ենք տուժածներին և նրանց ընտանիքի անդամներին: Արվում է հնարավորինս նրանց արագ բուժման համար»,-ասել է Դմիտրի Քումսիշվիլին:
Նախարարը զրուցել է նաև աշխատանքային անվտանգության մասին և նշել, որ անցած տարի տեխնիկական վերահսկման խումբը ստուգել է նշված թունելը: Բացի այդ նախարարը նշել է, որ համանման դեպք տեղի է ունեցել 1986 թվականին:
Տղիբուլիում, Մինդելիի անվան հանքահորում այսօր առավոտյան մահացել է 6 և տուժել երեք մարդ: Գոյություն ունեցող լրատվությամբ, վեց մարդ զոհվել է տեղում, իսկ տուժածներին տեղափոխել են հիվանդանոց: Նախնական տեղեկությամբ, հանքահորի թունելներից մեկում փլուզվել է տանիքը:
Պատահարի այլ մանրամասներ դեռևս անհայտ են:
Հեղինակ -
Edgar Barsegyan