Անալենա Բերբոկ. Եթե չշարունակենք օգնել Ուկրաինային, վտանգ կլինի, որ Պուտինի զորքերը կհայտնվեն Լեհաստանի հետ սահմանին
Եթե չշարունակենք օգնել Ուկրաինային, վտանգ կլինի, որ Պուտինի զորքերը կհայտնվեն Լեհաստանի հետ սահմանին, Süddeutsche Zeitung-ին տված հարցազրույցում ասել է Գերմանիայի արտգործնախարար Անալենա Բերբոկը։
Ըստ Բերբոկի՝ նման դեպքում պատերազմը շուտով կտարածվի Եվրամիության ու ՆԱՏՕ-ի տարածքի վրա։
Ինչպես նշել է Գերմանիայի արտգործնախարարը, պարտությունը ճակատագրական հետեւանքներ կունենա ազատ Ուկրաինայի և ազատ Եվրոպայի համար, ուստի անհրաժեշտ է ընդլայնել Ուկրաինային տրամադրվող օգնությունը։
«Դժվար է հաշվարկել, թե որքան պետք է վճարենք, եթե մենք ինքներս պետք է պաշտպանենք մեր ազատությունն ու անկախությունը։ Ուկրաինային աջակցելը թույլ է տալիս մեզ հեռու պահել պատերազմը»,- ասել է Բերբոկը։
Բացի այդ, գերմանացի դիվանագետը խոսել է փախստականների նոր հոսքի հնարավորության մասին։
«Եթե Ուկրաինան այլևս չկարողանա պաշտպանվել, ես առաջին հերթին դիմում եմ նրանց, ովքեր հրաժարվում են օգնել Կիևին, ապա միլիոնավոր մարդիկ ստիպված կլինեն փախչել: Ո՞վ կցանկանա ինքնակամ ապրել խոշտանգումների և օկուպացիայի պայմաններում»,- ասել է Անալենա Բերբոկը։