Շնորհավորում եմ Վրաստանի քաղաքացիներին «Վրացական երազանքի» կառավարման հսկայական ճեղքվածքի առաջացման առթիվ: Շնորհավորում եմ այս երկրին միակուսակցական իշխանությունից ազատագրման սկզբի կապակցությամբ, որը ոչ մի կապ չունի ժողովրդավարության կամ եվրոպական արժեքների հետ և, ամենակարևորը, կապ չունի այն ամենի հետ, ինչ մենք խոստացել էինք վրաց ժողովրդին 2012 թվականի հոկտեմբերի 1-ին, – այս մասին խորհրդարանի առաջին լիագումար նիստում, հայտարարել է «Լելո` Գործընկերություն հանուն Վրաստանի» ներկայացուցիչ, Անա Նացվլիշվիլին :

Անա Նացվլիշվիլիի խոսքով ՝ ընտրություններն անցել են ահաբեկման, կաշառքի, ճնշման և կեղծիքի պայմաններում: Նա ասել է, որ դրա ապացույցները կան:

«Ներքին գործերի նախարարությունը շատ կոշտ է արձագանքել ընտրական բարեփոխմանը, որի ընդունման ժամանակ դուք շատ ժամանակ եք ծախսել», – դիմել է կառավարական թիմի ներկայացուցիչներին Անա Նացվլիշվիլին:

Նրա խոսքով, ամենածանր ու աննախադեպ կոշտ գնահատականները կապված են այս ընտրությունների հետ:

«Դուք հաղթող կլինեիք հոկտեմբերի 1-ին, երկուսին, երեքին, եթե ստեղծեիք ձեր խոստացածը `արդար դատարանը, ապաքաղաքականացված դատախազությունը և քաղաքականապես չեզոք ՊԱԾ-ը:

«ՊԱԾ-ը, որը գաղտնալսում է ձեզ, ձեզ նույնպես վերահսկում է և շանտաժի ենթարկում», – դիմեց Անա Նացվլիշվիլին «Վրացական երազանքին»: