ԱՄՆ-ում չափահաս բնակչության 70%-ը լիարժեք պատվաստված է կորոնավիրուսի դեմ

ԱՄՆ-ում չափահաս բնակչության 70%-ը լիարժեք պատվաստված է կորոնավիրուսի դեմ պատվաստանյութով, իսկ 80%-ը ստացել է առաջին դեղաչափը։

Այս մասին ասել է Սպիտակ տան համակարգող Ջեֆրի Զայենթսը։

Նա ասաց, որ նախագահ Ջո Բայդենի վարչակազմի ջանքերով այս տարվա նոյեմբերի 8-ից 5-ից 11 տարեկան երեխաների պատվաստումն ամբողջությամբ կիրականացվի՝ պայմանով, որ Հիվանդությունների վերահսկման և կանխարգելման կենտրոնը (CDC) հանձնարարական կտա նրանց պատվաստել։

Ավելի վաղ ԱՄՆ Սննդամթերքի և դեղերի վարչությունը (FDA) հաստատել էր «Pfizer-Biontech» պատվաստանյութի օգտագործումը 5-ից 11 տարեկան երեխաների շրջանում։ «Moderna»-ն նույնպես կարող է ստանալ FDA-ի թույլտվությունն այս տարիքի երեխաներին պատվաստելու համար: