ԱՄՆ պետդեպարտամենտ. Էնթոնի Բլինկենը Դմիտրի Կուլեբայի հետ հեռախոսազրույցում վերահաստատել է, որ Ուկրաինայի հարցով բանակցությունները չեն կայանա առանց Ուկրաինայի
Միացյալ Նահանգների պետքարտուղար Էնթոնի Բլինկենը հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ։
Տեղեկությունը տարածում է ԱՄՆ Պետդեպարտամենտը։
«Պետքարտուղարը վերահաստատել է իր աջակցությունը դիվանագիտությանը և ասել, որ Ուկրաինայի վերաբերյալ բանակցությունները չեն կայանա առանց Ուկրաինայի։ Եթե Ռուսաստանը ընտրի հակամարտության ուղին, ապա ԱՄՆ-ը, նրա գործընկերներն ու դաշնակիցները պատրաստ են հսկայական տնտեսական գին ստիպել վճարել Ռուսաստանին, ուժեղացնել ՆԱՏՕ-ի պատրաստակամությունը իր դաշնակիցների շրջանում և մեծացնել Ուկրաինայի պաշտպանական օգնությունը»,- ասվում է Պետդեպարտամենտի հայտարարության մեջ։