ԱՄՆ նախագահի հատուկ ներկայացուցիչ Ջոն Քոլը Մինսկում հանդիպել է Ալեքսանդր Լուկաշենկոյի հետ
Բելառուսի հարցերով ԱՄՆ նախագահի հատուկ ներկայացուցիչ Ջոն Քոուլը ժամանել է Մինսկ և հանդիպել Բելառուսի նախագահ Ալեքսանդր Լուկաշենկոյի հետ։
Հանդիպման ընթացքում Լուկաշենկոն հայտարարել է, որ Բելառուսը պատրաստ է ԱՄՆ-ի հետ քննարկել ցանկացած հարց, սակայն ձեռք բերված պայմանավորվածությունները պետք է խստորեն պահպանվեն։
«Իհարկե»,- պատասխանել է Ջոն Քոուլը։
Ալեքսանդր Լուկաշենկոն նաև նշել է, որ կողմերն արդեն իսկ բազմաթիվ պայմանավորվածություններ են ձեռք բերել տնտեսական հարաբերությունների վերաբերյալ։
«Հենց այդ պատճառով էլ հրավիրել եմ վարչապետին, ով ձեզ և այստեղ ներկա բոլոր անձանց կտեղեկացնի մեր պայմանավորվածությունների կատարման ընթացքի մասին»,- նշել է Բելառուսի նախագահը։
Լուկաշենկոն Քոուլին հայտնել է, որ բելառուսական հանրությունը մեծ հետաքրքրությամբ է հետևում նրա այցերին։
«Մեր հարևաններն ու աշխարհի այլ առաջնորդներ ուշադրությամբ հետևում են մեր հանդիպմանը»,- հայտարարել է Ալեքսանդր Լուկաշենկոն։
Իր հերթին, Ջոն Քոուլը Լուկաշենկոյին է փոխանցել ԱՄՆ նախագահ Դոնալդ Թրամփի ողջույնները։
«Նա լիովին աջակցում է մեր բոլոր գործողություններին»,- ասել է նա։