ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը հայտարարել է, որ ռուսական և ուկրաինական կողմերի հետ բանակցություններ են ընթանում Սև ծովում հրադադարի շուրջ։
ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը հայտարարել է, որ ռուսական և ուկրաինական կողմերի հետ բանակցություններ են ընթանում Սև ծովում հրադադարի շուրջ։
Այս մասին Ուոլցը ասել է «CBS News»-ին տված հարցազրույցում։ Նրա խոսքով, իրենք այժմ ավելի մոտ են խաղաղությանը, քան երբևէ եղել են՝ շնորհիվ Ամերիկայի նախագահի, որը զրուցում է երկու կողմերի հետ։
«Առաջընթացը կլինի հետևյալը՝ մենք հրադադար ունենք օդից մինչև ենթակառուցվածք: Դա ուժի մեջ է մտել նախագահ Պուտինի հետ խոսելուց անմիջապես հետո: Այժմ մենք խոսելու ենք հրադադարի մասին Սև ծովում, որպեսզի երկու կողմերն էլ կարողանան հացահատիկ, վառելիք տեղափոխել և առևտուր սկսել Սև ծովում: Այնուհետև մենք կխոսենք վերահսկողության գծի մասին, որն իրականում կքննարկենք խաղաղության գծերը: Իհարկե, ավելի լայն և մշտական խաղաղություն, որը կլինի տարածքների քննարկում, ինչ-որ մշտական և կայուն խաղաղություն, որը ուկրաինացիները կանվանեին կամ անվանում են որպես անվտանգության երաշխիքներ»,- ասել է Ուոլցը՝ պատասխանելով այն հարցին, թե որն էր Սաուդյան Արաբիայում սկսված բանակցությունների նպատակը։