ԱՄՆ-ն Իրանի դեմ պատժամիջոցների ցանկում ավելացրել է 35 իրավաբանական անձի և մեկ եգիպտացի քաղաքացու
ԱՄՆ-ն Իրանի դեմ պատժամիջոցների ցանկում ավելացրել է 35 իրավաբանական անձի և մեկ եգիպտացի քաղաքացու։
Համապատասխան ծանուցումը հրապարակվել է ԱՄՆ ֆինանսների նախարարության արտասահմանյան ակտիվների վերահսկողության գրասենյակի կայքում։
Սահմանափակումները կիրառվել են օդային տրանսպորտի ոլորտում գործող 35 ավիաընկերությունների և տարբեր ընկերությունների նկատմամբ։ Դրանք Իրանում, Արաբական Միացյալ Էմիրություններում, Մեծ Բրիտանիայում, Մալայզիայում, Թուրքիայում և Ղազախստանում գործող ընկերություններ են։
ԱՄՆ ֆինանսների նախարարության մամուլի ծառայության կողմից տարածված հայտարարության մեջ ասվում է, որ պատժամիջոցները նպատակ ունեն մեծացնել ճնշումը իրանական ավիացիայի ոլորտի վրա, որը, ըստ Վաշինգտոնի, նպաստում է «զենքի, զինվորական անձնակազմի և անօրինական բեռների տեղափոխմանը»՝ Իրանի զինված ուժերի շահերից ելնելով։
ԱՄՆ ֆինանսների նախարարությունը նաև հրապարակել է ընդհանուր լիցենզիա, որը թույլ է տալիս մինչև սեպտեմբերի 23-ը իրականացնել պատժամիջոցների ցանկում ընդգրկված ֆիզիկական և իրավաբանական անձանց հետ ֆինանսական գործառնություններ կատարելու համար անհրաժեշտ գործարքներ։
Բացի այդ, ԱՄՆ իշխանությունները չեղյալ են հայտարարել այն լիցենզիան, որը թույլ էր տալիս ամերիկյան արտադրության ինքնաթիռների ժամանակավոր ներկայությունը Իրանում, ինչպես նաև դրանց վերանորոգման համար անհրաժեշտ պահեստամասերի և տեխնոլոգիաների ներմուծումը Իսլամական Հանրապետություն։
Տեղեկատվության համար, օգոստոսի 24-ին ԱՄՆ ֆինանսների նախարար Սքոթ Բեսանտը հայտարարել է, որ Վաշինգտոնը կտրուկ կխստացնի Իրանի դեմ միակողմանի պատժամիջոցների ռեժիմը և կձգտի լիովին արգելափակել Թեհրանի եկամտի աղբյուրները։
Բացի այդ, նախարարը հայտարարել է, որ ԱՄՆ-ն պատրաստ կլինի երկրորդական պատժամիջոցներ կիրառել ցանկացած երկրի նկատմամբ, որը կհրաժարվի կատարել Իրանի դեմ նոր սահմանափակող միջոցառումները։