ԱՄՆ-ն հինգ օրով դադարեցնում է Իրանի էլեկտրակայանների և էներգետիկ ենթակառուցվածքների վրա հարձակումները։

Դոնալդ Թրամփը այս մասին գրել է սոցիալական ցանցերում։

«Ուրախ եմ տեղեկացնել ձեզ, որ վերջին երկու օրերի ընթացքում Միացյալ Նահանգների և Իրանի միջև տեղի են ունեցել շատ լավ և արդյունավետ բանակցություններ, որոնք ուղղված են Մերձավոր Արևելքում հակամարտության լիակատար և վերջնական կարգավորմանը: Այս խորը, մանրամասն և կառուցողական երկխոսության տոնայնությունից և բովանդակությունից ելնելով, որը կշարունակվի ամբողջ շաբաթվա ընթացքում, ես հանձնարարել եմ Պատերազմի նախարարությանը հինգ օրով հետաձգել Իրանի էլեկտրակայանների և էներգետիկ ենթակառուցվածքների վրա ցանկացած ռազմական հարված: Այս որոշումը կախված է ընթացող բանակցությունների հաջողությունից», – նշել է Թրամփը։