ԱՄՆ կենտրոնական հրամանատարությունը հայտնում է, որ Իրաքում վառելիքով լիցքավորող ինքնաթիռի վթարի հետևանքով զոհվել են անձնակազմի բոլոր վեց անդամները
Իրաքում լիցքավորող ինքնաթիռի վթարի հետևանքով զոհվել են անձնակազմի բոլոր վեց անդամները։
Այս մասին հայտնել է ԱՄՆ կենտրոնական հրամանատարությունը։
Ավելի վաղ ԱՄՆ կենտրոնական հրամանատարությունը հայտնել էր անձնակազմի վեց անդամներից չորսի մահվան մասին։ Հրամանատարության տվյալներով՝ միջադեպի հանգամանքների հետաքննություն է ընթանում։ Նրանց խոսքով՝ մահացածների ինքնությունը չի հրապարակվի 24 ժամվա ընթացքում, մինչև նրանց հարազատներին չտեղեկացնեն։
Լրատվամիջոցները հայտնել են, որ Իրանի կողմից աջակցվող «Իրաքի իսլամական դիմադրություն» իրաքյան խմբավորումը ստանձնել է ամերիկյան ռազմական ինքնաթիռի կործանման պատասխանատվությունը։ Խմբավորման հայտարարության մեջ նշվում է, որ KC-135 ինքնաթիռը խփվել է «երկրի ինքնիշխանությունն ու օդային տարածքը պաշտպանելու համար»։
Ըստ ամերիկյան կողմի, KC-135 ռազմական ինքնաթիռը վթարի է ենթարկվել Իրաքում մարտի 12-ին։ Ինչպես բացատրել է ԱՄՆ կենտրոնական հրամանատարությունը, միջադեպին ո՛չ թշնամու, ո՛չ էլ բարեկամական կրակ չի եղել։