ԱՄՆ դեսպանատուն. Մենք հիշում ենք 2008 թվականի օգոստոսի իրադարձությունները և դրանց ցավալի ազդեցությունը վրաց ժողովրդի վրա մինչ օրս
«Վրաստան Ռուսաստանի ներխուժումից այսօր անցել է 16 տարի։ Մենք հիշում ենք 2008 թվականի օգոստոսյան իրադարձությունները և դրանց ցավալի ազդեցությունը, որն առ այսօր ազդում է վրաց ժողովրդի վրա»,- ասված է Վրաստանում ԱՄՆ դեսպանատան հայտարարության մեջ։
Ըստ դեսպանատան՝ Ռուսաստանի կողմից 2008 թվականի հրադադարի համաձայնագրի շարունակական խախտումը ընդգծում է տարածաշրջանում խաղաղության և կայունության համար շարունակվող պայքարը։
«Միացյալ Նահանգները շարունակում է պաշտպանել Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում»,- ասվում է հայտարարության մեջ։