Ալեկո Էլիսաշվիլին հայտարարում է, որ նրան առաջարկել են գլխավորել ընտրությունների կապակցությամբ խորհրդարանական հետաքննչական հանձնաժողովը
Ընդդիմադիր պատգամավոր Ալեկո Էլիսաշվիլին հայտարարում է, որ «Վրացական երազանք»-ից ստացել է առաջարկ, գլխավորել խորհրդարանական ընտրությունների կապակցությամբ հետաքննչական հանձնաժողովը:
««Վրացական երազանքն» ունի երկու շաբաթ, այս հանձնաժողովը համալրելու համար: Այո, կար այնպիսի կարծիք, որ ես կլինեմ այս հանձնաժողովի նախագահը: Առաջարկը «Վրացական երազանքի» ներկայացուցիչների կողմից էր, Բոկերիան հո չէր առաջարկի դա ինձ: «Վրացական երազանք»-ից առաջարկ կար, որ ես լինեմ այս հետաքննչական հանձնաժողովի նախագահը, որը պետք է հաստի և պարզի, արդյոք կեղծվել են հոկտեմբերի 31-ի ընտրությունները:
Մենք մեծ ուրախությամբ կներգրավվեինք: Պարզապես ընտրություններից մեկուկես ամիս առաջ հիմնադրված և գրանցված մեր կուսակցությունը, որը մի բուռ կամավոր դիտորդներ ուներ, ընտրական հանձնաժողովի անդամ չի ունեցել: Հետևաբար, եթե մենք ուզում ենք ցույց տալ ամբողջ Վրաստանի տվյալները, արդյոք կեղծիք է եղել, մենք պետք է ցույց տանք ամբողջ Վրաստանի պատկերը, և մեր կուսակցությունը հանձնաժողովի անդամներ չի ունեցել ամբողջ Վրաստանում», – հայտարարել է Ալեկո Էլիսաշվիլին: