«Պատրաստ եմ լինել քաղաքապետի թեկնածու, չեմ խնայելու ինքս ինձ ոչ մի տեղ։ Եթե լինի այլ, ավելի ուժեղ և մարտական թեկնածու, նրան կաջակցեմ, փոխարենը ոչ մի պաշտոն ինձ չի հետաքրքրում», – այս մասին «Լելո – Ուժեղ Վրաստան» կուսակցության առաջնորդներից մեկը՝ Ալեկո Էլիսաշվիլին, հայտարարել է «Պալիտրանյուզ» հեռուստահաղորդման ընթացքում։

Նրա խոսքով՝ ինքը կլիներ հազար անգամ ավելի լավ քաղաքապետ, քան Կախա Կալաձեն։

«Մեզ հեշտ պայքար չի սպասվում։ Մեծապես անհավասար պայքարի ենք մտնում։ Այո, մենք մտնում ենք ընտրական պայքարի մեջ։ Ինչ վերաբերում է ինձ, եթե նման որոշում ընդունվի, պատրաստ եմ լինել քաղաքապետի թեկնածու։ Չեմ խնայելու ինքս ինձ ոչ մի տեղ։ Ես կլինեի հազար անգամ ավելի լավ քաղաքապետ, քան Կախա Կալաձեն», – նշել է Ալեկո Էլիսաշվիլին։

Ինչ վերաբերում է «Գախարիա – Վրաստանի համար» կուսակցության դիրքորոշմանը, ըստ որի պետք է պայմանավորվել չեզոք թեկնածուի շուրջ, Ալեկո Էլիսաշվիլին նշեց, որ կիսում է այս կարծիքը։

«Իմ մոտ ոչ մի քաղաքական կամ պաշտոնական հավակնություն չկա։ Ով էլ լինի քաղաքապետի թեկնածու, ես ժամերով կնստեմ նրա հետ և որակյալ մարդկանց հետ միասին կհիմնավորեմ, որ հնարավոր է մեկ տարվա ընթացքում ամբողջովին վերացնել տրանսպորտային խցանումները Թբիլիսիում։ Իմ թեկնածությունը քննարկվում է, սակայն քննարկվում են նաև այլ թեկնածուներ։ Եթե լինի այլ, ավելի ուժեղ և մարտական թեկնածու, անպայման կաջակցեմ նրան։ Աջակցության դիմաց ոչ մի պաշտոն ինձ չի հետաքրքրում», – ընդգծել է Ալեկո Էլիսաշվիլին։