Թուրքիայի Հանրապետություն պաշտոնական այցի շրջանակում Վրաստանի խորհրդարանի պաշտպանության և անվտանգության հանձնաժողովի նախագահ Ալեքսանդր Թաբատաձեն, պատվիրակության անդամների հետ միասին, հանդիպել է Թուրքիայի Մեծ ազգային ժողովի հետախուզության և անվտանգության հանձնաժողովի նախագահ Վեյսալ Թիֆյողլուի և հանձնաժողովի անդամների հետ։

Հանդիպման ընթացքում ընդգծվել է Վրաստանի և Թուրքիայի առանձնահատուկ բարեկամական հարաբերությունները, որոնք հաստատվում են երկու երկրների միջև ռազմավարական գործընկերությամբ։ Քննարկվել են տարածաշրջանում և աշխարհում ընթացող գործընթացները, ինչպես նաև տարածաշրջանային խաղաղության և կայունության աջակցման համար համատեղ ջանքերի կարևորությունը։

Հանդիպման շրջանակում կողմերը խոսել են Վրաստանի և Թուրքիայի Հանրապետության միջև անվտանգության ոլորտում երկկողմ համագործակցության կարևորության մասին։ Այս առումով նշվել է Թուրքիայի և Վրաստանի համապատասխան կառույցների միջև սերտ կապը։

Կողմերը կարևորել են Վրաստանի և Թուրքիայի Հանրապետության օրենսդիր մարմինների ու համապատասխան հանձնաժողովների միջև ընթացող համագործակցությունը և երկու երկրների միջև բարձր մակարդակի այցերի շարունակական ակտիվացման անհրաժեշտությունը։

Պատվիրակության կազմում են՝ հանձնաժողովի նախագահի առաջին տեղակալ Թենգիզ Շարմանաշվիլին, փոխնախագահներ Գիա Բենաշվիլին և Վիկտոր Ջափարիձեն, ինչպես նաև հանձնաժողովի անդամ Իոսեբ Ջորբենաձեն։

Տեղեկությունը տարածում է Վրաստանի խորհրդարանի մամլո ծառայությունը։