Ուկրաինական զորքերը նոյեմբերի կեսերից վերահսկում են Պոկրովսկի շրջանը, սակայն նրանց հրամայվել է նահանջել որոշ դիրքերից,- ասել է Ուկրաինայի զինված ուժերի գլխավոր հրամանատար Ալեքսանդր Սիրսկին։

Լրագրողների հետ զրույցում Սիրսկին ասել է, որ Պոկրովսկիի շուրջ իրավիճակը մնում է բարդ, բայց դրա պաշտպանությունը շարունակվում է։

«Պոկրովսկիի պաշտպանությունը շարունակվում է, մեր զորքերը վերահսկում են քաղաքից հյուսիս գրեթե 13 քառակուսի կիլոմետր։ Միրնոգրադը շրջապատված չէ։ Կուպյանսկում մեր հաջող հակադիվերսիոն գործողությունը շարունակվում է։ Ես կցանկանայի ևս մեկ անգամ ընդգծել. ռուսական ստերի ծավալը զգալիորեն գերազանցում է ռուսական զորքերի առաջխաղացման իրական տեմպերը։ Թշնամին Ուկրաինայի դեմ իր հիբրիդային պատերազմում օգտագործում է ապատեղեկատվություն և կեղծ քարտեզներ, ինչը ազդում է ինչպես օտարերկրյա լսարանի, այնպես էլ մեր հասարակության և բանակի վրա», – ասել է Սիրսկին։