Հաստատում եմ, որ մենք ակտիվորեն աշխատում ենք բյուջեի ավելացման ուղղությամբ, – այս մասին հայտարարել է Վրաստանի վարչապետ Իրակլի Ղարիբաշվիլին, խորհրդարանում զեկույցի և զարգացման տասնամյա ծրագիրը ներկայացնելուց հետո, պատասխանելով պաշտպանության նախարարության համար բյուջեի ավելացման մասին հարցին:

Կառավարության ղեկավարի խոսքով, Պաշտպանության նախարարությունը նույնպես աշխատում է երկարաժամկետ վճարման պայմաններով կարևոր զենքի համակարգեր գնելու նախագծերի վրա:

«Դեռևս իմ նախարար լինելու ընթացքում, մենք սկսեցինք աշխատել ու մտածել այս հարցի շուրջ: Բացի այն, որ 2% է երաշխավորված ֆինանսավորումը, դրան գումարած ՝ մենք ակտիվորեն աշխատում ենք բանակին էլ ավելի ավելացնել:

Բացի այդ, նախարարությունն ինքը աշխատում է երկարաժամկետ վճարման ժամկետով կարևոր զենքի համակարգեր գնելու նախագծերի վրա, որոնք նույն տարի չեն սխմի բյուջեին, և կվճարվի մի քանի տարվա ընթացքում: Մենք արդեն ունենք այդ մեթոդը, այն ներմուծեցինք իմ նախարարության օրոք, երբ ձեռք բերեցինք 500 միավոր ժամանակակից սարքավորում և սպառազինություն, և այժմ պարոն Ջուանշերը ակտիվորեն աշխատում է Դելտայում հիմնված համատեղ ձեռնարկության նախագծի վրա: Եկող տարի կունենանք տեղական արտադրության անօդաչու թռչող սարքեր, ռազմական անօդաչուներ: Ընդհանուր առմամբ, առաջիկա չորս տարիների ընթացքում մենք նախատեսում ենք արտադրել 1000 անօդաչու սարք: Մենք աշխատում ենք նաև գնդացիրների և այլ ավելի կարևոր, լուրջ զենքերի արտադրության վրա, այդ թվում ՝ Իսրայելից», – հայտարարել է վարչապետը:

Իրակլի Ղարիբաշվիլին պատասխանեց նաև հակաօդային պաշտպանության համակարգի վերաբերյալ հարցին:

«Կցանկանայի հիշեցնել, որ անցյալ տարի մենք նորացրեցինք, ըստ էության, պայմանագիր կնքեցինք «Ռաֆայել» ընկերության հետ, որը մինչև տարեվերջ կապահովի ՀՕՊ համակարգերի և հրթիռային համակարգերի և ժամանակակից հրթիռների ներմուծում: Բացի այդ, ակտիվ աշխատանքներ են տարվում երկրորդ մակարդակի հակաօդային պաշտպանության ուղղությամբ, պարոն Ջուանշերը ակտիվորեն ներգրավված է: Զարգացման այս 10-ամյա ծրագրում գրված է, որ հարցը լուծվում է, որպեսզի երկիրը կարողանա ուժեղ հակաօդային պաշտպանություն ունենալ առաջիկա տարիներին», – հայտարարել է վարչապետը: