Մայամիում ԱՄՆ-Ուկրաինա եռօրյա բանակցություններն ավարտվել են մասնակիցների և Ուկրաինայի նախագահ Վոլոդիմիր Զելենսկու միջև հեռախոսազրույցով,- այս մասին հաղորդում է «Աքսիոս»-ը։

ԱՄՆ պատվիրակությունը ներկայացրել են ԱՄՆ նախագահի հատուկ ներկայացուցիչներ Սթիվ Ուիթաքերը և Ջարեդ Քուշները, իսկ ուկրաինական կողմը՝ Ազգային անվտանգության և պաշտպանության խորհրդի քարտուղար Ռուստեմ Ումերովը և Զինված ուժերի գլխավոր շտաբի պետ Անդրեյ Գնատովը։

Հրապարակումը, հղում անելով աղբյուրներին, հաղորդում է, որ ԱՄՆ խաղաղության հատուկ ներկայացուցիչներ Սթիվ Վիտկոֆը և Ջարեդ Քուշները լսել են երկու կողմերի կարծիքները, ապա խնդրել են Ռուսաստանի և Ուկրաինայի նախագահներին զիջումներ անել, որոնք անհրաժեշտ են համաձայնության հասնելու համար։

Ըստ «Աքսիոս»-ի, տարածքային հարցի քննարկումը դժվար է եղել, քանի որ Ռուսաստանը պահանջում է, որ Ուկրաինան դուրս գա Դոնբասի այն տարածքներից, որոնք ներկայումս վերահսկվում են Կիևի կողմից։ Սակայն, ըստ հրատարակության, Միացյալ Նահանգները փորձում է մշակել նոր գաղափարներ այս խնդիրը հաղթահարելու համար։

Ինչ վերաբերում է անվտանգության երաշխիքներին, կողմերը զգալի առաջընթաց են գրանցել և ավելի են մոտեցել համաձայնության, չնայած երկու երկրների պատվիրակությունները համաձայնել են շարունակել աշխատանքը։

«Հիմնական մարտահրավերները տարածքային հարցերն ու անվտանգության երաշխիքներն են։ Մեր նպատակն է ապահովել, որ համաձայնեցված լուծումները լինեն իրատեսական, արդար և կայուն», – «Աքսիոս»-ը մեջբերում է ԱՄՆ-ում Ուկրաինայի դեսպան Օլգա Ստեֆանիշինային։