Ձեռնարկված օպերատիվ միջոցառումների և քննչական գործողությունների արդյունքում, ՆԳ նախարարության Աջարիայի ոստիկանության, Բաթումի քաղաքային բաժնի աշխատակիցները ձերբակալել են երկու անձի՝ 1994 թվականին ծնված Թ.Կ.-ին և 1993 թվականին ծնված Լ.Բ.-ին, որոնք նախկինում դատվածություն են ունեցել՝ առանձնապես խոշոր չափերով թմրամիջոցների ապօրինի, խմբակային ձեռքբերման և պահպանման, դրանց վաճառքին նպաստելու, ինչպես նաև առանց բժշկի նշանակման թմրամիջոցների ապօրինի օգտագործման փաստերով: Այս մասին հայտնում է ՆԳ նախարարությունը։

«Բաթումում մեղադրյալի անձնական, բնակելի բնակարանի և մեքենայի խուզարկության ժամանակ իրավապահ մարմինների աշխատակիցները տարբեր վայրերից որպես ապացույց առգրավել են նաև վաճառքի համար պատրաստված առանձնապես խոշոր չափերի «Մեթադոն» թմրամիջոց»:

Մեղադրյալի բնակելի բնակարանից առգրավվել են նաև թմրամիջոցների փաթեթավորման համար անհրաժեշտ նյութեր, այդ թվում՝ էլեկտրական կշեռքներ:

Քննությունը շարունակվում է Քրեական օրենսգրքի 260-րդ, 260-4-րդ և 273-րդ հոդվածներով:

Հանցագործությունը պատժվում է մինչև 20 տարի կամ ցմահ ազատազրկմամբ», – ասվում է ՆԳ նախարարության հաղորդագրության մեջ: