Վրաստանի ՆԳՆ Աջարիայի ոստիկանության դեպարտամենտի օպերատիվ միջոցառումների և քննչական գործողությունների արդյունքում ձերբակալվել է 2004 թվականին ծնված Ուկրաինայի քաղաքացի Ա.Բ.-ն՝ առանձնապես խոշոր չափի թմրամիջոցների ապօրինի ձեռքբերման և պահպանման, ինչպես նաև դրանց ապօրինի վաճառքին նպաստելու մեղադրանքով։

ՆԳՆ-ի տվյալներով՝ հանցագործությունը պատժվում է մինչև 20 տարի կամ ցմահ ազատազրկմամբ։

«Մեղադրյալի Բաթումիում գտնվող անձնական և ժամանակավոր բնակելի բնակարանի խուզարկության արդյունքում իրավապահ մարմինների աշխատակիցները որպես ապացույց առգրավել են վաճառքի համար պատրաստված առանձնապես խոշոր չափի «Մեթադոն» թմրամիջոց։

Մեղադրյալի ժամանակավոր բնակելի բնակարանից առգրավվել են նաև թմրամիջոցների փաթեթավորման համար անհրաժեշտ նյութեր, այդ թվում՝ էլեկտրական կշեռք։

«Թմրամիջոցների առանձնապես խոշոր չափի ապօրինի ձեռքբերման, պահպանման և վաճառքի փաստի առթիվ քննությունը շարունակվում է Քրեական օրենսգրքի 260-րդ և 260-4-րդ հոդվածներով», – ասվում է ՆԳՆ տեղեկատվության մեջ։