Աջակցում ենք Վրաստանի ձգտումներին դեպի Եվրոպական և Եվրաատլանտյան կառույցներին ինտեգրվելու հարցում, – այս մասին կառավարության վարչակազմում վարչապետ Իրակլի Ղարիբաշվիլիի հետ հանդիպումից հետո, հայտարարել է Հունգարիայի արտաքին գործերի և առևտրի նախարար Պիտեր Սիիարտոն:

Նրա խոսքով, Հունգարիան շարունակում է աջակցել համապատասխան ջանքերին, ինչի համար փորձագետներ է ուղարկում Վրաստանի արտաքին գործերի նախարարություն, ինչպես նաև մասնակցելու Եվրամիության դիտորդական առաքելությանը և խթանում ՆԱՏՕ-ի և Վրաստանի ավելի խորը և համակողմանի համագործակցությունը:

Հունգարիայի արտաքին գործերի և առևտրի նախարարը կենտրոնացավ կրթության նախարարության հետ ստորագրված հուշագրի վրա:

«Մենք համագործակցության հուշագրեր ենք ստորագրել կրթության, հետազոտությունների, զարգացման ու նորարարության ոլորտներում: Սա կարելի է համարել որպես մեր հարաբերությունների ամենակարևոր կողմը, որը հիմք է ստեղծում հետագա գործունեության համար: Այս տարի մենք հասել ենք ռեկորդային մակարդակի. 262 վրացի ուսանողներ դիմել են Հունգարիայում կրթություն ստանալու նպատակով կրթաթոշակ ստանալու համար, ինչը աննախադեպ դեպք է: Մենք այժմ հարաբերությունների նոր հարթություն ենք մտնում, որը ներառում է ոչ միայն կրթաթոշակներ, այլ նաև հետազոտություններ և նորարարություններ», – ասել է Պիտեր Սիիարտոն:

Տեղեկատվությունը տարածում է վարչապետի մամուլի ծառայությունը: