Առողջապահության համաշխարհային կազմակերպության փորձագետներն ասում են, որ նոր շտամի դեմ կրկնակի խթանիչ դոզաների ռազմավարությունը կարող է արդյունավետ չլինել: Հայտարարությամբ հանդես են եկել Առողջապահության համաշխարհային կազմակերպության (ԱՀԿ) խորհրդատվական խմբի մասնագետները, որոնք աշխատում են Covid-19-ի դեմ պատվաստանյութերի վրա։

«Պատվաստումների ռազմավարությունը, որը հիմնված է կրկնակի խթանող դեղաչափերո վրա, չի կարող տեղին և կայուն լինել», – ասվում է հանձնաժողովի հայտարարության մեջ:

Ըստ նրանց՝ նախնական տվյալները ցույց են տալիս, որ «Կովիդ-19»-ի նոր շտամով գործող պատվաստանյութերն ավելի քիչ արդյունավետ են «Օմիկրոն» վարակի կանխարգելման համար։ Այնուամենայնիվ, այս պատվաստանյութերը դեռևս պաշտպանում են վարակվածներին հիվանդության ծանր ձևի զարգացումից:

Մասնագետները նշում են, որ անհրաժեշտ է մշակել պատվաստանյութեր, որոնք ավելի լավ կկարողանան կանխել վարակը և Covid-19-ի փոխանցումը։ Այնուամենայնիվ, նախքան նմանատիպ պատվաստանյութերի մշակումը և այն փաստը, որ Covid-19 վիրուսը փոփոխվում է, գոյություն ունեցող պատվաստանյութերը պետք է արդիականացվեն՝ «Omicron»-ի և ապագա այլ շտամների դեմ համարժեք պաշտպանություն ապահովելու համար: