Ահաբեկչական խմբերի հետ աշխատելու պատճառով, ԱՄՆ-ն դժվարանում է դուրս գալ Սիրիայից. Մեվլութ Չավուշողլու
14:22, 09.01.2019
Ահաբեկչական խմբերի հետ աշխատելու պատճառով, ԱՄՆ-ն դժվարանում է դուրս գալ Սիրիայից,-այս մասին հայտարարել է Թուրքիայի արտաքին գործերի նախարար, Մեվլութ Չավուշողլուն:
Նրա խոսքերով, Թուրքիան աջակցում է Սիրիայի տարածքային ամբողջականությանը և այդ երկրի կայունությանը, որը Անկարայի համար շատ կարևոր է:
Թուրքիայի արտաքին քաղաքական գերատեսչության ղեկավարը ներկայացրել է մի նախաձեռնություն, որի համաձայն, Սիրիայից ԱՄՆ-ի զորքերի դուրսբերման վերահսկողությունը համատեղ պետք է իրականացնեն՝ Թուրքիան, Ռուսաստանը և Իրանը:
Սիրիայում քրդական զինված ուժերը Թուրքիան համարում է ահաբեկչական խմբավորումներ:
