Աֆղանստանում կանայք բողոքել են գեղեցկության սրահներն արգելելու թալիբների որոշման դեմ։

BBC-ի փոխանցմամբ՝ կանայք Քաբուլի փողոցներում վանկարկել են «աշխատանք, հաց եւ արդարություն», որից հետո «Թալիբան»-ի անդամները ջրցան մեքենաներ են կիրառել ցույցի մասնակիցների դեմ։ Ըստ լրատվամիջոցի՝ հանրահավաքին ընդհանուր առմամբ մասնակցել է 50 կին։

Բացի այդ, «Թալիբան»-ի որոշմամբ գեղեցկության սրահներին տրվել է մեկամսյա ժամկետ՝ դադարեցնելու գործունեությունը։ Ըստ թալիբների՝ պարիկ կրելը և հոնքերը խնամելը չի ​​համապատասխանում իսլամական արժեքներին, և ծնողները փող են վատնում, երբ իրենց դուստրն ամուսնության առաջարկ է անում։

Աֆղանստանի Առևտրի պալատի տվյալներով՝ երկրում գեղեցկության սրահների փակման հետևանքով 60 հազար մարդ գործազուրկ կմնա։

Կանանց իրավունքների պաշտպանության առումով իրավիճակը Աֆղանստանում վատթարացել է 2021 թվականից հետո, երբ թալիբները վերադարձան երկիրը կառավարելու համար։

Ներկայում Աֆղանստանում կանայք իրավունք չունեն հաճախել դպրոց, չեն կարող հաճախել մարզասրահներ ու այգիներ։ Թալիբները նաև արգելել են կանանց աշխատել ՄԱԿ-ում։