Ադրբեջանի ռազմաօդային ուժերի կործանիչը ընկել է Կասպից ծովը
Ադրբեջանի ռազմաօդային ուժերի կործանիչ, Միգ -29 – ը ընկել է Կասպից ծովը:
Լրատվությունն այս մասին տարածում է հանրապետության պաշտպանության նախարարությունը:
Ավիաաղետը տեղի է ունեցել հուլիսի 24-ին: Ինքնաթիռը կատարում էր ուսուցողական թռիչք, երբ անհետացել է ռադարներից:
Ընթանում են որոնողափրկարարական գործողություններ: Ադրբեջանի պաշտպանության նախարարության որոշմամբ, ստեղծվել է հետաքննչական խումբ, որը պետք է քննի աղետի հետևանքները: