Ադրբեջանցի ընդդիմադիր Ալի Քերիմլիին մեղադրանք է առաջադրվել սահմանադրական կարգի բռնի փոփոխության մեջ։

Ըստ ադրբեջանական լրատվամիջոցների՝ Ադրբեջանի Ժողովրդական ճակատ կուսակցության առաջնորդին մեղադրանք է առաջադրվել Ադրբեջանի Հանրապետության քրեական օրենսգրքի 278.1 հոդվածով (իշխանությունը բռնի զավթելու և պետության սահմանադրական կառուցվածքը բռնի փոփոխելուն ուղղված գործողություններ): Նույն մեղադրանքն առաջադրվել է նաև Ադրբեջանի Ժողովրդական ճակատ կուսակցության նախագահության անդամ Մամեդ Իբրահիմի դեմ։

Ալի Քերիմլիի և Մամեդ Իբրահիմի տների խուզարկությունը և հարցաքննությունը կապված են Ռամիզ Մեհդիևի դեմ Պետական ​​անվտանգության ծառայության կողմից հարուցված քրեական գործի հետ։ Նշենք, որ նախագահի աշխատակազմի նախկին ղեկավար Ռամիզ Մեհդիևին մեղադրանք է առաջադրվել Քրեական օրենսգրքի 278.1 հոդվածով (պետական ​​իշխանությունը զավթելուն ուղղված գործողություններ), 274 հոդվածով (պետական ​​դավաճանություն) և 193-1.3.2 հոդվածով (հանցավոր ճանապարհով ձեռք բերված գույքի օրինականացում):