«Ադրբեջանական ավիաուղիներ»-ի մարդատար ինքնաթիռի վթարի պատճառով Իլհամ Ալիևը չի կարողանա մասնակցել ԱՊՀ գագաթնաժողովին
Նախագահ Իլհամ Ալիեւը չի կարողանա մասնակցել Սանկտ Պետերբուրգում կայանալիք ԱՊՀ գագաթնաժողովին՝ «Ադրբեջանական ավիաուղիներ»-ի մարդատար ինքնաթիռի վթարի պատճառով։
Ինչպես հաղորդում է Ադրբեջանի նախագահի մամուլի ծառայությունը, Իլհամ Ալիեւը վերադարձել է Բաքու։
Ինչպես գրում են ադրբեջանական լրատվամիջոցները, նախագահ Իլհամ Ալիևը զանգահարել է Վլադիմիր Պուտինին և հայտնել, որ ինքնաթիռի կործանման պատճառով չի կարողանա մասնակցել ԱՊՀ երկրների ղեկավարների ոչ պաշտոնական գագաթնաժողովին։
Ադրբեջանական ավիաուղիներին պատկանող Embraer 190 ինքնաթիռում եղել է 62 ուղևոր և անձնակազմի 5 անդամ։
Ղազախստանի արտակարգ իրավիճակների նախարարության վերջին տվյալներով՝ ավիավթարից ողջ է մնացել 29 մարդ, նրանք տեղափոխվել են հիվանդանոց։