Միխեիլ Ղավելաշվիլին Անթալիայում հանդիպել է ՄԱԿ-ի գլխավոր քարտուղար Անտոնիո Գուտերեշի հետ
Վրաստանի նախագահ Միխեիլ Ղավելաշվիլին Անթալիայում հանդիպել է ՄԱԿ-ի գլխավոր քարտուղար Անտոնիո Գուտերեշի հետ։
Նախագահի վարչակազմի տվյալներով՝ հանդիպման ընթացքում քննարկվել է Վրաստանի և ՄԱԿ-ի միջև երկարատև արդյունավետ համագործակցությունը։
Միխեիլ Ղավելաշվիլին ընդգծել է ՄԱԿ-ի գործակալությունների գործունեության կարևորությունը Վրաստանում, այդ թվում՝ հակամարտությունից տուժած բնակչությանը մարդասիրական օգնություն ցուցաբերելու և վստահությունը վերականգնելու գործում։
Վրաստանի նախագահը շնորհակալություն է հայտնել գլխավոր քարտուղարին ՄԱԿ-ի կողմից Վրաստանի ինքնիշխանության և տարածքային ամբողջականության նկատմամբ անսասան աջակցության համար։