Ադիգենիի մունիցիպալիտետի Գոմարո գյուղում սողանքի հետևանքով պատճառված վնասը կպարզի հատուկ հանձնաժողովը [լուսանկար]
Ադիգենի մունիցիպալիտետի Գոմարո գյուղում, որտեղ ուշ գիշերը սողանք է տեղի ունեցել, մաքրման աշխատանքներն առավոտյան կվերսկսվեն ծանր տեխնիկայի օգնությամբ։ Ադիգենի մունիցիպալիտետի քաղաքապետ Գոչա Քիմաձեի հայտարարությամբ՝ այս պահի դրությամբ ավտոմոբիլային ճանապարհի երթևեկելի մասն արդեն մաքրված է։
Ինչպես նշել է Քիմաձեն, անհրաժեշտ է, որ դեպքի վայր այցելեն հիդրոլոգներ, երկրաբաններ և շինարարներ՝ պարզելու համար, թե որքանով է հնարավոր ապագայում նմանատիպ տարերային գործընթացների կանխարգելումը։
Սրա հետ մեկտեղ, տարերքի հետևանքով հասցված վնասը տեղում կսահմանի հատուկ հանձնաժողովը։
Առատ տեղումների հետևանքով տուժած գյուղերում ընթացող աշխատանքներին Ադիգենի մունիցիպալիտետի քաղաքապետ Գոչա Քիմաձեի հետ միասին ծանոթացել են պետական հավատարմատարի առաջին տեղակալ Գիորգի Քոչիաշվիլին, քաղաքապետարանի, սակրեբուլոյի, հրդեհաշիջման-փրկարարական ծառայության և մունիցիպալիտետում հատուկ ստեղծված հանձնաժողովի ներկայացուցիչները։
Ի գիտություն՝ առատ տեղումները խնդիրներ են ստեղծել Գոմարո, Քվեմո Էնթելի և Շոքա գյուղերում։ Գոմարո գյուղում վնասվել է երկու բնակելի տուն և ճանապարհային ենթակառուցվածք, Քվեմո Էնթելիում՝ գյուղատնտեսական հողատարածքներ, իսկ Շոքա գյուղում՝ գյուղատնտեսական հողատարածքներն ու ճանապարհային ենթակառուցվածքը։
